Ongi lo egiteak osasuna eta bizi-kalitatea hobetzen ditu. Lo indarberritzaile batek gure garuna zein gorputza berregituratzen laguntzen du eguneroko estresaren aurrean, gure sistema immunea birsortzen du eta hobeto sentitzen laguntzen du. Onuragarria dela badakigun arren, lo hartzeko jarraitzen ditugun errutinak beti ez dira egokienak izaten, eta horrek eragina izan dezake gure osasunean. Ana Teijeira doktoreak, Toledoko Unibertsitate Ospitaleko Neurofisiologia Klinikoan eta Loaren Nahasteetan espezialistak, hobeto lo egiten lagun dezaketan zenbait ohitura osasungarri azaltzen ditu azpiko estekan.
Melatonina lo hartzeko garaian garrantzia handia duen hormona da. Elisa Sacalek medikuak, lo hartzen eta lo sakon egiten laguntzen duen melatonina hori modu naturalean sortzeko mekanismoak azaltzen ditu. Loaren higinea nola hobetu ere azaltzen du. Oso interesgarria!
Aholkuak
01 Loaren kontuetan aditua den Jana Fernandezek bideo honetan zazpi aholku ematen ditu hobeto lo egiteko eta atsedena gure bizitzaren ardatz bihurtzeko.
02 03Jana Fernandezen kanalean (Podcast moduan ere eskuragarri dago) osasun, atseden, nutrizio, kirol, psikologia eta autoezagutzan adituak diren pertsonen esperientzia eta ezagutza partekatzen ditu. Baita ongizate fisiko, mental eta emozionala lortzeko eta ondo bizitzeko zure gida propioa sortzeko behar dituzun tresnak, inspirazioa eta motibazioa ere.